Jesu, Jesu ea monate

Categories Sotho Hymns, Uncategorized0 Comments

Jesu, Jesu ea monate
Ea tlileng ho rona,
Lula lipelong ke mehla
Ho li fepa hanhle.

Molisa u re lisetse
Makhulong a matle
Ha re na ho hloka letho
Kalosong ea hao.

U morara oa sebele
O fepang makala
Ak’u re phelise bohle
Ba lutseng ho uena.

U seliba sa bophelo
Le sa khalalelo
Lula lipelong tsao rona
Ho li halaletsa.

Jesu, ak’u re khatholle
Hoba re khathetse,
Re lumelle ho phomola
Sefubeng sa hao.

Moratuoa ea monate
Re u boka ruri,
Ka ho tla ha hao ho rona
Tafoleng ea hao.