Lenyalo

Lenyalo ke Sakramente
E behiloeng ke Kriste;
Ke boitlamo bo thata,
Bo se nang ho lokolloa.

Ba thuse, oho Morena,
Ho phetha kano tsena;
Le ho jara ka mamello
Boima ba lenyalo.

Ak’u hlohonolofatse
Banyali bana, Kriste!
Ba kenang tlamong tse thata,
Ba thuse hle ba tiee.

U n’u le teng mohl’a Kana,
Tlo le kajeno lena,
U thuse banyali bana
Ho phetha tlamo tsena.

Morena, ak’u be mosa
Ho sitsa, ka grasia,
Banyali bana ba mona,
Ba kopang thuso ea hao.

Oho Maria, ‘M’a rona!
U tseba tlamo tsena;
Ba rute ho li mamella
Ka lerato ka mehla.