Ka lifela tse ntle haholo
Re bineng tsoalo ea Jesu,
E, kajeno, re fuoe ngoana,
Ke ngoana oa leholimo,
Ke eena mora oa Molimo,
Ea theohetseng ho rona;
O re rata ka ho fetisa;
A re mo rateng le rona.

Balisa ba ne ba lisetsa
Metebong ea Bethlehema.
Eare bosiu bo boholo,
Hang lengeloi la Morena
La bolela la re ho bona
Ke tlisa thabo e kholo,
“Moloki o tsoaletsoe lona,
Ke eena Kriste Morena.

A re ke re eeng Bethlehema
Re boneng mohlolo ona.
Bonang lesea le phuthetsoeng
Sejelong le robalitsoe
Efela o sa hloka puo.
O re ruta ka liketso;
O bua ka meokho ea hae
Le ka nyenyefalo ea hae.

Oho Jesu, Morena oa ka!
ke se ke u khumamela;
Ke u nehela pelo ea ka,
Lerato la hao le ntlhotse,
“Me botle ba hao bo nkhahlile,
Le ‘na ke sitoa ho hana
Ke se ke u fa moea oa ka,
O be ho uena ka mehla.