Tlo ho rona Moea o Halalelang,
Tlo, uena ea re bopileng,
Chesa, chesa ka mollo oa lerato
Lipelo tsa bana ba hao.

Tlo kapele, u halaletse,
Tlisa khotso, le lerato,
Neho e ntle, mollo o matla!
U hloekile pelo tsohle.

Tlo ho rona, re tlisetse leseli
Re tiee tseleng ea ‘nete;
‘Me re hloee sebe, sera sa rona,
Re rate Molimo feela.

Tlo ho rona, uena Moea o matla,
Re thuse ha re rapela;
U matlafatse lipelo tsa rona
Ha re batla re fokola.

Tlo ho rona u hlole matla ‘ohle
A lira tsa fatse lena
Le a tse tsoang mafifing a lihele
Kapa a pelong tsa rona.