Zihlobo zam, bonani le ntliziyo,
yikhangeleni, yon’ inobubele.  
Inxeba layo liyaniqondisa  
uthando lwayo, neminqweno yayo.  
Tarhu Ntliziyo ka Yesu wam,
ndingumoni ndilila ngenkohlakalo yam.

Yintoni bantu, eli lizwi lam  
aniliva na, xa ndi- khala kuni,  
ngomlom’ obomvu weli nxeba lam  
lale ntliziyo inenceba yonke.
Tarhu Ntliziyo ka Yesu wam,
ndingumoni ndilila ngenkohlakalo yam.

Musan’ ukutsho ngemilomo yodwa,  
ngenxa yothando ndiyanililela.  
Ngale Ntliziyo, ngeli nxeba lam  
igazi eli ziinyembezi zayo.  
Tarhu Ntliziyo ka Yesu wam,
elo nxeba lanele, libiz’ uthando kum.

Yekani ke, musan’ ukundihlaba
ngomkhonto omtsha, ngomsebenzi ombi,
izono zenu, gxebe ezidala
fundani ngazo ukuzilumkela.
Tarhu Ntliziyo ka Yesu wam,
elo nxeba lanele, libiz’ uthando kum.

Zihlobo zam, ukuba ninothando  
buyani ke zenenze umzohlwayo.  
Ngaphandle kwawo aninakuphila  
ngegazi eli ninokuphiliswa.
Tarhu Ntliziyo ka Yesu wam,
elo nxeba lanele, libiz’ uthando kum.