Ke tsatsi le monate
Lena la kajeno,
Re matheleng ka pele
Ho pelo ea Jesu.

A re eeng ho leboha lerato la  Jesu,
O hlahisitse lona ka ho shoela batho.

A re eeng ho lefela melato ea rona,
Re kopeng ligrasia pelong eo e mosa.

A re eeng ho soabela litshito tse ngata,
Tse leng teng ka ho rona o tla li hlakola.

A re eeng ho hlomoha ka pelo tsa rona,
Ho bona mahlomola a pitlang Morena.

A re eeng ho itlama pelong eo e mosa,
Ha re sa tla koeneha likanong tsa rona.

E, pelo ea Morena re se re u balla,
Re tla u sebeletse ka mehla le mehla.