Lumela ‘Me ea hloekileng
Re amohele ke mosa,
Re tlile ka aletareng,
Ho inehela ho uena.

Laudate, Laudate, Laudate, Mariam.
Laudate, Laudate, Laudate, Mariam.

Ka nqa tsohle se teng sera
Se rata ho re bolaea,
Maotong a hao a matla
Sebatana see sea shoa.

Flakeng ea hao, rona bohle,
Re loanela ka matsatsi,
Re tlohetse tse lefatse,
Ke eona he, ntoa ea ‘nete.

Tlong, bana ba tsepehileng,
Le tleng ho ‘na, ‘me se tsabeng
Hoba ke ‘M’a lona bohle,
‘Me ke se ke le ratile.

A re eeng, hlopha se setle,
Re lateleng flaka ena;
Mofumahali e motle
O re isa ho Morena.