A se le monate

A se le monate
O teng ‘Ma’ rona;
‘Musong oa leseli
Oa re emela.

Ave, Ave, Ave, Maria!
Ave, Ave, Ave, Maria!

Jesu o ratile
Batho hakakang,
O s’a ba nehile
‘M’a hae ea ratoang.

Batho bohle ba re
Hoba ‘M’a rona
Ke ‘M’a Jesu ruri,
Ke ‘M’a Morena.

Le ha re ka loantsoa
ke ba lihele
Re se ke ra tsaba,
Rona bakriste.

Matla a ‘M’a rona
Ke a sa baloeng
Ke makhotla-khotla
A emisitsoeng.

Lineho tsa Jesu
Li tla ka eena:
Le bana ba batho
Oa ba rapella.

Ke Mofumahali
Ea etsang khotso,
Ke monamoledi
Oa leholimo.

Rapelang ke tsepo
‘M’a Jesu Kriste
‘Musong oa Molimo
A le fihlise.

Ke moo re tla bina
Ke ho sa feleng
Thoko tsa Maria
Ea tlotlisitsoeng.

Leave a Reply

Ke tsepile ho uena

02/08/2017

Ahe! Oho naledi

02/08/2017