Kriste ke Morena

Kriste ke Morena oa rona
Re thaba ha re mo hopola
Re batla eena linthong tsohle.
O tla busa o tla hlola.

Re batla Kriste hohle
Re phelela eena
O tla rena mafatseng ‘ohle
Hoba ke eena Morena
Hore a buse pelo tsohle
Rona re tla mo loanela.

Re batla Kriste chabeng sena
A rene metseng, metsaneng
Re ‘matla malapeng a rona
A hlohonolofatse ‘ona.

Re batla Kriste mesebetsing
Mahlomoleng, litsietsing
Re ‘matla hape le phomolong
Mahlohonolong, katlehong.

Re batla Kriste Thato ea hae
Kajeno hosasa ka mehla
Re batla le melao ea hae
Mo khahlise, mo tlotlise.

 

Leave a Reply

Re ke re bineleng

22/09/2018