Ahe Maria, Ahe Maria
Ea senang sekoli
Tshepo ea balumeli
Ahe Maria, Maria.

Mè ea senang sekoli
Uena ‘M’a’Mokoli.
Re qelle bohloeki
Ba mmele le ba moea.

Oho ‘Ma Baapostola
Re qelle cheseho
Le matla a moea
Ho phetha litśoanelo.

Re loanele, ‘Ma rona
Litsietsing tsohle
Re thuse ka matla.
Re tle re e hlabane.

Sera se halefile
Se re tsoetse pelo
Oho ‘Ma Molimo
Ak’u re sireletse.

Re thuse ka mamello
Le eona phehello
Re tle re tshepehe
Re shoele Jesu Kriste.

Mohl’a lefu la rona
Tlo ho re kgothatsa
Le ho re buella
Re tle re shoe ka khotso.