Cecelia, Cecelia u s’u fihlile joale
Khanyeng e sa feleng, u rapelle ba leng tekong
Ba tle ba fihle thabong.

Cecelia o n’a re tsatsing la lefu la hae
Masole a Molimo furallang tsa mafifi
Aparang hle lihlomo lihlomo tsa lona
Lihlomi tsa leseli.

Cecelia, Cecelia u n’u sokolle batho
Ba furalle limpe ba inehele Molimo
Ba mo telle bophelo.

Cecelia, Cecelia ak’u re qelle khotso
E, khotsovea moea ka eona khotso e ‘nete
Monono oa sebele.

Cecelia, Cecelia morati oa bohloeki
Ak’u re rapelle re be le Bohloeki ruri
Pelong, ‘meleng le moeeng.

Cecelia,  Cecelia u re rute lerato
Lerato la ‘nete, lerato la boena
Ak’u re qelle lona.

Cecelia, Cecelia u leholimong joale
Thabong e sa feleng re rapelle re fihle teng
Lefatsheng leo la khotso