Nantsi ke sel’ iphel’ imini
zusive Mdali weento zonke:
Zulondoloz’ usapho Iwakho,  
sigcine, Bawo, ebusuku.

Ngenkohlakalo sikonile,
siyayithiya, sibuhlungu.  
Khangel’ usizi Iwentliziyo,
tarhu ke, Thix’ onobubele.

Ukuba sithe salungisa,  
siyabulel’ uncedo Iwakho,  
Bhala ke encwadini yakho,  
izenzo ezilungileyo.

Siyanikela kuwe, mDali  
umzimba nomphefumlo wethu,  
intando nayo le ntliziyo  
zezakho amaxesha onke.

Sigxothel’ imimoy’ emibi,
thumela iingelosi zakho,  
zingand’ iingozi zobusuku,  
zigcin’ abantu nabantwana.

Mabube mnandi ubuthongo  
sizuz’ impilo ngo- kuphumla.  
Masithembele kuSomandla  
sigcinwe esandleni sakhe.

Sidumisa uButhathunye  
uYise nay’ uNyana wakhe  
noMoya oyiNgcwele kanye,
namaxesha onke. Amen.