Yiza Yesu, Thixo wethu apha eBandleni lakho asinakuphila thina wen’ ungekho Nkosi yethu. Yiza Yesu Nkosi yethu usidibanise sonke side simanyane sonke sihlalisane ngoxolo. Wena mthombo wobungcwele singcwalise thina boni Wena Sonka sabahambi siph’amandla, someleze.

Yesu Sonka sokuphila yiza ndinxanelwe wena Yesu, Yesu wam omhle yiza, yiza kum. Yesu Sonka sokuphila yiza ke undomeleze Yesu, Yesu wam omhle yiza, yiza kum. Yesu wam Thixo wam yiza ke undivuyise Yesu, Yesu wam omhle yiza, yiza kum.

Yesu ndihlala nawe mandife nawe Yesu mandibe ngowakho njalo. Mzimba kaYesu wam ewuphakathi kum zundisindise kwiintshaba zam. Gazi leNkosi yam suss izono zam uzungcwalise umoya wam.

Yizani esonkeni sokuphila sinqule ke, NguYesu ngokwenene Ngcwele,ngcwele,ngcwele uyingcwele Nkosi udumiso lube kuwe kule Sakramente yakho. Sikhonza kuwe,Thixo onamandla Sincede, Nkosi, thina bantu bakho Ngcwele,ngcwele,ngcwele uyingcwele Nkosi udumiso lube kuwe kule Sakramente yakho. Vuyani bantu, nank’ uThixo wenu utyhila kuni intliziyo yakhe […]

Dumisan’ ubuThathu-nye Nina bantu banokholo budumiseni ngamaculo kuba ubukhulu bona bodwa. Dumisani onguYise dumisani onguNyana nay’uMoya oyiNgcwele bangu Thix’ obuthathu-nye. Dumisan’ uMdali wethu dumisani uMkhululi dumisani umNgcwalisi mabubongw’ ubuthathu-nye.

INkos’uYesu Kristu uvukile namhla Yola zulu, vuya mhlaba ngeNkosi yozuko. Yesu ovukileyo zusisikelele simthande,sikukhonze mngamaxesha onke. Yes’oMhle mhla sifayo zusis’ ezulwini sikubone , sidumise nabaNgcwele bonke.

Ngolo suku lovuko kwehl’ ingelosi yaqengqa elo litye lival’ingcwaba wavuka uKristu iNkosi yethu wakoyisa ukufa.Aleluya. Kristu mkhululi wethu Uzuko kuwe woyisiw’usathana ngovuko lwakho Moyisi kumkani sinemihlali ubuyel’ebomini. Aleluya. Ke maKristu vuyaniBongan’uKristu uluntu maluvuye ngolu loyiso Kristu Nkosi yethu usihlangule sibabale ke ngoko.Aleluya

Busuku obuhle kuthule ke konke tu emzini waseBhethlehema uMsindisi azelwe kuwo makadunyiswe uYesu. Busuku obuhle abelusi nabaya bethandaza eBhethlehema nengelosi zicula zithi Uzuko, uzuko, kuThix’ ophezulu . Busuku obuhle uMsindisi nankuya eze kuthi eBhethlehema eze kusisindisa thina masimncome, simbonge kude kube nini.

Mvuyele UKristu iNkosi vuya Mariya seluphelil’ usizi Aleluya mvuyele o Mariya. Wamzala wena Virigo vuya Mariya uvukile ke ngozuko Aleluya mvuyele o Mariya. Woyisa usathana tu vuya Mariya ukoyisile ukufa Aleluya mvuyele o Mariya. Khangel’umzimba wakhe, Ma, vuya Mariya ukhazimla njengelanga. Aleluya […]

UKristu uvukile akekho engcwabeni luvuyo kuthi makholwa unguye umonwabisi Aleluya,Aleluya, Aleluya, Aleluya. Ukuze asindise abantu ekufeni wakuva ukufa yena namhlanje uyadla ubom Aleluya,Aleluya, Aleluya, Aleluya Yenzani umbulelo kulo moyisi kufa dumani ngamaculo: iNkosi yidumiseni Aleluya,Aleluya, Aleluya, Aleluya.