Shwele Nkosi yobubele Bahawukel’ abantu bakho. Abahlanzwa emlilweni Bahlawul’ izono zabo. Siyancenga Jes’ omnene Ngenxa yobuhlungu bakho Owabuzw’ onqamlezweni Ubayise ezulwini. Shwele Nkosi Mninimusa, Yizwa ukukhala kwabo, Ubakhiphe emlilweni Ubayise ezulwini. Ukukhanya kwaphakade Makubakhanyele njalo, baphumule ebuhleni, bawubong’ umusa wakho.

Jesu siyanceng’ ukuba Upholise Ubuhlungu bemiphefumulo leyo Ehlanzwayo emlilweni. Thel’ igazi lakho Jesu, Endaweni yobuhlungu, liphumuze imimoya ehlawul’ esihlanzweni. Shwele Jesu, Mhlengi wayo, nansi ikhalela kuwe; Yiyekele inhlawulo, Wena onomus’ omkhulu. Yikhulule ngomsa wakho, Yingenise ezulwini, Ikutuse ikubonge, Ithokoze kanye nawe.

O! hamba kahle, sihlobo sethu, Usuphumile osizini lwalomhlaba; Sowuy’ ekhaya le ezulwini, KuBaba wethu okubizile. Nakhu sikhala izinyembezi Sesibuhlungu,ngoba sesikwamukiwe; Kepha intando ka Baba wethu Mayidunyiswe ngekathi yonke. O! Hamba kahle, sihlobo sethu; Usuphindele lapho wathatshathwa khona. Sal’ usulala la elibeni, Uze […]

Ngathi ngisahamba emhlabeni ngahlalelw’ ithuna lami la. Njengebali eqhakaza namhla, Ngakusasa isibune nya. Ngokunjalo kwangizum’ ukufa Ngisemusha, ngiyingane nje; Kanti qhabo, ngiyaphila futhi, Ngishiyil’ umzimba wodwa la. Sengiphiwe ukuhlal’ okuhle, la ukufa kwahluliwe nya; Sengibong’ iNkosi yaphezulu kanye nengelos’ ekhaya le. Ningakhali […]

Singabebandla likaJesu Kristo Elase Roma eliKatholika, Elakhiweyo edwaleni lelo elinguPetro. Nguye oqobo uMsindisi wethu, Owalimisa lib’ elabo bonke Libafundise egameni lakhe lonk’ iqiniso. Sinomalusi onguPhapha wethu, Ongumlandeli kaSimon Petrus, Owamiselwa ukwalus’ izimvu zonke zeNkosi. Nkosi, busisa uMalusi wethu, Uz’ umvikele ezitheni zakhe, […]

Uma inhliziyo yami ilusizi ibuhlungu ngokhumbul’ uBaba wami waphezulu ezwulini; unguBaba onomusa, Ungumlulamisi wami, ungumlulamisi wami. La kungathi ngishiyiwe ngizingelwa yibo bonke: Ngokhumbula uSomandla ongilondangobubele. Angesabi ngingowake; Ungumsizi wami yena. La ngigula ngibuhlungu, angibekezele njalo, Ngoba nobuhlungu lobo buyisipho sakh’ esihle, Nginethemba […]

Nkulunkulu ngangiduka, ngakushiya wena Nkosi Sengibuya ngiyivuma intando yakho. Noma bengingathobeli imiyalo yakho Nkosi, Manje ngithi: Mayenziwe intando yakho. Noma uthi, angiyeke okufiswa inhliziyo, Ngenjabulo ngiyavuma Intando yakho. Yilungis’ intando yami, Iz’ iyek’ inkani yayo Ithobele njalonjalo Intando yakho.

E! Nkulunkulu Nkosi, zivume lezizipho, Ezinikelwa kuwe nguMpriste elathini. Awenze ziphenduke Inyama yoMsindisi, Negazi lakhe futhi kub’ umhlabiso omuhle. Wubheke lomhlabiso, usihawukele ngawo Nalabo abahlanzwa izono emlilweni. Ungab’ usazibheka izono zethu manje, Njengoba sinxuselwa nguJesu elathini.

E! Nkosi yihl’uvume, isinkwa newayini Okuza kub’ umzimba negazi loMsindisi. Vuma ke umhlabiso wasesiphambanweni Ophindwa lapha futhi nguJesu e Lathini. Sivume nathi, Nkosi, kuvume konk’ okwethu, Kub’ umnikelo wakho omnandi oyolile.

Yehla Moya Oyingcwele uhlale nathi njalo. Uhlale nathi njalo, uhlale nathi njalo Yehla Moya Oyingwele uhlale nathi njalo. Yehla Moya Oyingwele, siph’ ukuhlakanipha. Siph’ ukuhlakanipha, siph’ ukuhlakanipha. Yehla Moya Oyingwele, siph’ ukuhlakanipha. Yehla Moya Oyingwele, usindis’ iAfrika. Usindis’ iAfrika, usindis’ iAfrika. Yehla […]