Baba Nkosi yaphezulu nampa thin’ abantabakho. Siyancenga sithobile mthume esimthenjisiwe. Azosus’ izono zethu nobumnyama esikubo. Asibuyisel’ inhlanhla esalahlekelwa yiyo. Nkosi bheka ubumnyama obusemhlabeni wonke; awuthume uMkhanyisi ezekubakhanyisela, abahlezi emnyameni, bengakwazi wena, Baba bakuthande njalo njalo bakukhonze, Nkosi yethu. Yesasani zizwe zonke, ngoba […]

Yehlisani uMsindisi nina mafu namazulu. Basho njal’ abantu labo. Ababebhekile Njalo uMsindisi walomhlaba okwathiwa uyofika Ezekubahlenga bonke ezonweni zabo zonke. USomandl’ uBaba wethu wezwa ukukhala kwabo. Wathi ehawukel’ abantu wanikela iNdodana. Wathuma-ke ingelosi iye kuMaria ithi: “Uzozala iNdodana enguMhlengi wabo bonke”. Wavuma-ke uMaria […]

Jesu Nkosi emnene, Mthandi wethu omuhle, Jesu siyakuthanda, kalokhu naphakade. Jesu, Mhlengi wesintu, wena owasifela: Jesu, siyakwethemba, Msindisi weth’ omuhle. Jesu, nqaba yezoni, geza izinhliziyo zethu, thin’abonayo ngeGazi lakh’ elihle. Uze usamukele mhla simuk’ emhlabeni, usiyis’ezulwini, sibuse nawe njalo.  

Jesu omuhle, hlala kimina. Wena sithandwa sami esihle. Jesu omnandi othandekayo. Nguwena kuphela engimthandayo. La ngilusizi ngiyakucasha enhliziyweni yakho Msindisi, Mhléngi omnene, akungisize, ungivikele ekulingweni. Ngizinikela kuwe Msindisi; kungithathe ngibe ngowakho. Ngeke ngisuke kuwe nanini, Wena Malusi wami omuhle. Ngamhla ngifayo wongamukela, […]

Jesu omuhle othandwayo woza nginxanele wena E! sithandwa esimnandi, woza Jesu, woza kimi. Inhliziyo yami, Jesu, ingethokoziswe lutho, nguwe Jesu, wena wedwa ongayitholis’ inhlanhla. Nokukukhumbula njena kunjengoju olumnandi; woza kimi, Jesu wami, ngizwe ubumnandi bakho. Jesu, woz’ uhlale kimi ungemuki naphakade; Yiba […]

Jesu sinkwa sengelosi, Woza, nginxanela wena :Jesu, Jesu wam’ omuhle, woza, woza kimi. Jesu sinkwa sokuphila, woza ungilulamise :Jesu sidlo esimnandi, woza, woza kimi. Jesu Nkulunkulu wami, woza ungithokozise :Jesu, Jesu, Mhlengi wami, woza, woza kimi.  

Jesu Nkosi ukulinga kukaSathan’ kuyashisa: Sesiyafa sesidinga nguwe oyakusisiza. Jesu Nkosi,sidangele aphelil’ amandla ethu: Akusiqinise Jesu,Wena oyisinkwa sethu. Kwasho wen’ uqobo wathi: Ungukudla okuyikho okuvela ezulwini, sasithenjiswe kona. Jesu sinkwa sengelosi, woza kith’ usiphamandla, khona sothi nxa sinawe, singahlulwa ukulingwa. Jesu, sikhuleka […]

E! Jesu Nkosi yami E! nang’ umuntu wakho. Nang’ekuncenga uzwe amazwi akhe manje. E! Jesu Mhlengi wami olapha elathini ngize la kuwe Nkos’oyinqaba yami. Bheka-ke ngiphephela kuwena Jesu wami, ngibalekel’ izitha zomphefumulo wami. E!Jesu Mhlengi… Sengiyathemba kuwe Wen’ ongamandla ami; akukho ukwesaba […]

Sondelani samukel’ umzimba woMsindisi siphuze negazi leli elophela thina. Alleluya, alleluya, siyabonga, Nkosi. Sesisindisiwe yiwo lowoMzimba wakhe, sithokoza emoyeni, asibong’ iNkosi. Alleluya… Lo oyiNdodan’ eyodwa esiphila ngaye, wafa esiphambanweni wakunqob’ ukufa. Alleluya… Wanikeiw’ uJesu ngenxa yabo bonk’ abantu. Uye ongonikelayo, uy’ongumnikelo. Alleluya… […]

Woza Jesu, Mhlengi wami wakh’ enhliziyweni yami. Anginakuphila mina la ungekho Jesu wami. Woza, Jesu, Nkosi yami, uzobusa kimi njalo, kuze ngale konk’ okubi, ngenze konk’ okuhie kuwe. E! siphethu sobungcwele, ngicwebise mina soni. Wena sinkwa sokuphila ngiph’ amandla okulunga.