Wozani sisondele ngasesiphambanweni. Simbone uMsindisi onqanyuleziweyo. Bonan’ umzimba wakhe ushaywe kalukhuni usumanxebanxeba uphum’ igazi wonke. Ikhanda liqheliswe ngameva kabuhlungu, izandla nezinyawo, nazo-ke zibethelwe. Kant’ uyabekezela uhluphekela thina. Ufel’ onqamlezweni ngothando olukhulu. Msindisi weth’ omuhle, ngubani onecala lokufa kwakho loko, kunge yithina zoni, […]

Busuku obuhle obasilethela uJesu iNkosi, uMhlengi wesintu. Ozelwe emzini eBethlehema. E! Kwabalusayo ngalobo busuku kwafik’ ingelosi zivel’ ezulwini, zihuba, zibonga iNkosi uJesu. Besab’ abelusi bebon’ ingelosi, bath’ ukuba bezwe ilizwi elihle, base bejabula, babonga iNkosi. Wozani makholwa, masize kuJesu, musan’ ukwesaba ukuza […]

Kuhlum’ imbali enhle kulolohlang’ oluhle. OlunguYese lowo ukhokho kaMaria. Imsulwa leyombali, idlul’ izingelosi, ngobuhle nobungcwele. Imbali leyo enhle, engiyishoyo belu, inguMaria phela uNina oyingcwele, Oyena wakhwezelwa ubuVirigo bakhe nakuba enguNina. Ngaleyombali enhle kwavela isithelo, uJesu uMsindisi uMhlengi wethu sonke, amzel’ eBethlehema phakathi […]

Asiye eBethlehema sibingelele sithi: E! Mntwana wophezulu, E! Mntwana kaMaria E! Jesu Bayede! E! Jesu Bayede! Sokhonza ngani kuye? Ngomlomo wodwa yini? Qha nazi inhliziyo, azib’ ezakho Mntwana. E! Jesu bayede! E! Jesu bayede! E! MntakaNkulunkulu Ndodana kaMaria, awube uMsindisi kithina sonke Mntwana. […]

Mntwan’ omuhle Nkosi Jesu nampa thina bakho. Size kukubonga Nkosi kanye nengelosi. Siyancenga uz’ usiphe inhliziyo ecwebile. Sibusise Jesu. Sibusise Jesu. Mntwan’ omuhle, Nkosi Jesu, hlala nathi njalo, thin’ esingabantu bakho abakuthandayo, siyizimvu zakho Jesu, ake usilonde njalo. Sibusise Jesu. Sibusise Jesu. […]

Lalelan’ izingelosi zimhubel’ ozelwe namhla. Zithi, kadunyiswe yena uMsindisi ozelweyo. Nina bantu sukumani nihlangane nengelosi nithi, usezelw’ uKristo usekhon’ eBethlehema. Lalelan’ izingelosi zimhubel’ ozelwe namhla. Uyabongwa ezulwini oyiNkosi yaphakade; nom’ enjalo wakuvuma ukuzalwa uMaria. Yena onguNkulunkulu ungumuntu ngokuzalwa; uhambele thin’ abantu yen’ ongu-Emmanuel. […]

Gloria in excelsis Deo. Ngamhla uMsindisi wethu, ezalelw’ eBethlehema, kwaqhamuka ingelosi zamhubela zathi Gloria… Gloria in excelsis Deo. Nathi sonke thin’ abakho sikubonga, Nkosi, sikutusa sithi sonke kanye nengelosi. Gloria… Gloria in excelsis Deo. Mhla sifayo wosilanda, siye ezulwini, sijabule kanye nawe, […]

Wozani makristo wozani nisheshe sombona uJesu uKristo iNkosi owehl’ ezulwini wehlel’ emhlabeni elethe uxolo nenhlanhla nobuhle. Nango-ke uJesu elel’ emkhombeni, emncane emnene, ehläba umxhwele. Wozani sethabe, sesase, sename, sihub’ amahubo sibonge lengane. E! Nang’ uMaria ekhonza uJesu. Wethaba ebona umntwana omuhle, noJosef, […]

Hubani makholwa sihube kudum’ amagama amahle, kuthabe izulu nomhlaba ngokuba kuzelwe uMhlengi, bongani sibonge ingane ezelwe eBethlehema lengane elel’ emkhombeni nguyen’ uMsindisi womhlaba. Useze wazalwa uMhlengi, esasimthenjiswe yiNkosi. Sesizovulelwa iZulu, esasilivale ngokona. Ncincani nesase, makholwa, ngenhlanhla enkulu kangaka, bongan’ umus’ owenziwe yiNgane […]

Bhek’ uyeza emafini owafel’ izoni kanye; abangcwele abaningi beza naye bejabula. Alleluya: Alleluya! Alleluya ubuyela emhlabeni. Amanxeba asekhona awathola ekufeni; yikho okujabulisa bonke abahlengiweyo bewabona, bemangele, bemangele, bejabula phambi kwakhe. Uyabonw’ amehlo onke, ehlobile ubukhosi; bon’ ababemdelela abamhlaba bambulala bamesaba, benovalo benovalo, […]