Masihambe nabelusi simkhangele ozalelw’ eBhethlehema oyiNkosi yethu. Masucule neengelosi sidumis’ osemkhumbini sibulise kolusana kuKumkani wethu. Masihambe nokumkani sinikele kunye nabo konk’ okuhle esinako kolu san’ oluhle. Masinqule njengoNina noYosef,uMondli walo siluthande olu sana olusithandayo. Iintliziyo zethu zonke sizinika wena, Yesu zuzamkele zizezakho […]

Bantu bam ndinenzeni? nindixhom’ emnqamlezweni! Phendulani! Ndenze ntoni? EJiphethe ndanilwela, ndabulal’ amazibulo, kodwa niyandityakatya. Ndanikhulul’ eJiphethe, ndaniwez’ ulwandle olubomvu, kodwa nindibek’ ityala. Ndanenzel’ indlela elwandle, Nawela nichwayitile, nindihlaba ephangweni. Ndanikhokela ngelifu. Endleleni ey’ ekhaya, nandizisa kuPilato. Ndanityis’ iman’entlango, Ndanondla ngamandl’ am, kodwa […]

Akunalusizi kufa! akunako ukucengwa ngamawaka obutyebi akunako ukuthengwa. Bubuninzi beenyembezi akunakushukunyiswa ziingxakeko esinazo akunakuphazanyiswa. Kodwa, kuye okholwayo kulithemb’ ukuza kwakho usisothunywa soxolo nax’ ufikile ngobungxamo. Izothuso zakho, kufa! azisokumshukumisa amandl’ akho aphelile uMkhululi wakoyisa. Mandiphile ngokwelunga ize ndif’ ukufa kwalo zendingabi nakungqunga […]

Yesu Mxoleli waboni ndithoba phambi kwakho ndidanile ndixakiwe ngumthwalo wezono zam. Ndichase lon’ olo thando owandithanda ngalo mhla ujing’ emnqamlezweni ufela izono zam. Ndidanile Yesu wam ngenxa yamatyala am awandenza ndahlukane nentsikekelelo zakho. Ngoku sendicel’ uxolo Mxoleli wamatyala ndizimisel’ ukulunga uzundisikelele. Mhululi […]

Ndakuqala umnqamlezo afe kuwo uMsindisi ndoncama yonk’ iinzuzo yam ndililahle nekratshi lam. Mandingaqhayisi Nkosi kungengomnqamlezo wakho konke ukuzithemba kwam ndikuncama ngenxa yakho. Khawubone lowo mzimba apho kwampompoz’ igazi wakha walubon’ uthando luxubene nosizi? Zonk’ iindyebo endinazo abdingenikeli ngazo mandizenze mna idini ndixabise […]

Abafela ENkosini banoyolo bona kuba baya kuwe, Yesu aph’ uhleli khona. Sibiziwe namhla NKosi Isicaka sakho siyacela usamkele ekhayeni lethu. Iinkedama zikhangele ngobubele bakho Nkosi Yesu z’uzithwale ngesifuba sakho. Zikhokele wena Yesu kolu hambo lwazo uzisule iinyembezi uzisuse izono.

Amandla kaYosefu umondli kaYesu ngethemba singaxhomekeka kuwo ngokuba uMDali wamenza igosa nentloko yosapho lwakhe luphela. Josef owahlangula uYesu mhlana wayefunwa yinkos’ uHerode uzubakhusele abatshutshiswayo ziintshaba zokholo ebomini babo .

Phakamis’ iingcinga zethu Moya OyiNgcwele sikhumbul’ iizenzo zakho sizishumayele. Leya mini wehla ngayo mayiphindwe kuthi uze lowo mlilo wakho uwele nakuthi. Chukumis’ iilwimi zethu zikushumayele tshisa neentliziyo zethu zesihlakaniphe. Ezo zipho zakho wena mazifike kuthi Yihla Moya OyiNgcwele usebenze apha. Yiz’ uxele […]

UMkhululi esahleli engekanyukeli wasithembis’ uMkhokeli woba nathi. Weza kuth’ engumkhuthazi efun’ iintliziyo ezingamnika indawo asebenze. Uhleli nath’ eBandleni xa simphulaphula eluleka, esityela inyaniso. Bonk’ obethu ubungcwele nezoyiso zomke neenkumbulo ezingcwele zizezakhe. Moya wofefe nenene zusithethelele uthandaze kunye nathi abha Bawo. Amen.

Yiza Moya onguMdali ezintliziyweni zabantu siph’ ufefe lwaphezulu thina usidalileyo. UngumThuthuzeli wena isipho sikaSomandla umthombo wobom, umlilo nomthambiso wobumoya. Uziziph’ ezisixhenxe ulidinga likaYise ungumnwe wesandla sakhe ufundisa amakholwa . Khanyisel’ iizimvo zethu galel’ uthando phakathi yomeleza uqinise ubuthathaka nenyama. Ziguqule zonk’ iintshaba […]