INhliziyo kaJesu, yiso isiphethu leso, okwaphum’ igazi kuso elasisindisa sonke. Lenhliziyo ethe cwe; eluthand’ oluthe swi; wozanini siyituse singayeki ukuyithanda.  Yasihluphekela yona yasifel’ onqamlezweni; isasazi ezulwini, isasazi eLathini. Lenhliziyo… Lenhliziyo engithanda mina muntu kazanyana, akus’ iyomuntu njena, ngekaNkulunkul’ uqobo. Lenhliziyo… Sekungathi bonk’ […]

Nhliziyo ecwebile kaJesu uMsindisi, lungis’ezethu nazo, zize zicwebe njalo. Uzenze zibe mhlophe, zixway’ izono zonke. Ziqinise njalo ekulungeni konke. Ubuhle nobumhlophe beyakho iNhliziyo. Akub’ isibonelo esibonela kuso. Vuthel’ uthando lwakho enhliziyweni zethu. Ukuze sikuthande wena Nhliziyo enhle.  

Nhliziyo yoMsindisi, siphethu sokuphila, Sengathi wonk’ umhlaba, unga kwazisa uthi: Udum’ alube kuwe Nhliziyo yoMsindisi, ubongwe ubatshazwe uthandwe njalonjalo; ubongwe ubatshazwe uthandwe njalonjalo. Bonani leNhliziyo egcwele ubunene yagwazwa ngenxa yethu, yaphum’ igazi lonke: Udum’ alube kuwe… E! Jesu, inye into engiyicela kuwe: […]

Yehlanini zingelosi, nizosifundisa sonke. Izihlabelelo zenu zokutus’ uJesu Kristo. Khona kuzohlabelela, izilimi zonke zithi: Akatusw’ uJesu Kristo okulel’ iSakramente. Butho lamaSerafime, butho lamaKherubhime, nina enivuth’ uthando lokumthand’ uNkulunkulu, vuthelani lolothando nasenhliziyweni zethu. Akatusw’ uJesu Kristo okulel’ iSakramente. E! Maviyo engelosi enibona ezulwini […]

Lonke ibandla labakholwayo. Alihlangane, lizodumisa osihlalele la elathini, onguMsindisi wethu omnene. Nang’ uJesu uMsindisi, nangu eza ngobunene. Lungisani inhliziyo az’ angene kuzo. Asilibonge, silidumise iSakramente eliyingcwele. Nasi isinkwa sasezulwini obukusona bonk’ ubumnandi. Bheka, Jesu, silusizi, woza usilulamise Mhlengi wethu yakha kithi, usilonde njalo.

E! Zingelosi zasezulwini yehlani nize, nizodumisa iSakramente laseLathini. E! Zingelosi, bongan’ uJesu, nimtuse nithi : E! Nkosi yethu, mawudunyiswe ubongwe njalo. E! Zingelosi, tusan’ iNkosi eseLathini. Hubani nithi: E! Ucwebile E! Ucwebile. E! Zingelosi sifundiseni ukudumisa iNkosi yethu yasezulwini eselathini. E! Zingelosi, […]

E! Sikhuleka kuwe Nkosi yethu, sikudumisa, sinkwa sokuphila. Jesu! Jesu! Jesu! Ucwebile njalo. Sikutusa Jesu wethu osihialel’ elathini. Sicela kuwe Nkulunkulu wethu ukuba usihlab’ inhlanhla sonke, :Jesu…  E! Sinkwa esivela ezulwini awub’ umphako wethu mhla sifayo, :Jesu…

Madunyisw’ uJesu Kristo kalokhu naphakade. OnguNkulunkulu uqobo owab’ umuntu ngathi. Weza lapha emhlabeni eze kusihlenga sonke. Madunyisw’ uJesu Kristo kalokhu naphakade. Madunyisw’ uJesu Kristo kalokhu naphakade, owafel’ onqamlezweni efela thina zoni. Wahlawul’ izono zethu ngokuhlushwa kalukhuni. Madunyisw’ uJesu Kristo kalokhu naphakade. Madunyisw’ uJesu […]

Jesu wena kuthokoza, okuyikho kwenhliziyo, nokukukhumbula njena kunjengoju olumnandi, okudlula konk’ okunyengukuhlala nawe Jesu. Mangitus’ igama lakho elimnandi emlonyeni lenamis’ indlebe zami, lesasisa inhliziyo, nguwe Jesu, wena wedwa, okholis’ umoya wami. Jesu themba labonile, unomusa kubo bonke abaphendukela kuwe beshiyil’ izono zabo. […]

E! Nkosi yobukhosi. Ngaphambi kobukhulu, nobungqongqoshe bakho kuthuthumela konke. E! Nkosi yokulunga, ngaphambi kobungcwele, nobuhle, nomsa wakho kuguqa phansi konke. E! Nkosi yokukhanya, ngaphambi kokucweba nenkazimbulo yakho kunyamalala konke.