Umhle Mariya uphakamile ungumzekelo wobizo lwethu kuwe ndinika yonke imbeko ngokuyamkela iNkosi yethu wena wazala umphi wofefe Kuwe Virigo senditsho ngokwam mandisabele ithemba lobom. Kobu bubumnyama andinamkhaphi, khanya nkwenkwezi, khanya ngakum ze ndiyibone mhlophe le ndlela ndide ndifike kuYesu wam wena wazala […]

UMariya ethandaza wabuliswa yinkosi ingelos’uGabrieli yeza kuye yathi Ave, ave, ave Mariya Yayisithi Ah Mariya unentsikelelo wozala uMsindisi welizwe lonke Ave, ave, Ave Mariya Ungoyiki ntombazana, ngumsebenzi weNkosi kuza kuhla phezu kwakho,ophezulu kanye Ave, ave,Ave Mariya. Waphendula UMariya :Ndithobela iNkosi makwenzeke Oko […]

Ah Bawo ophezulu nobubele bonke zusenze sikukhonze ngoYesu Krist’ iNkosi. Sigcine sikhusele yandis’ ukholo lwethu usinike onk’ amandla: ngoYesu Krist’ iNkosi. Ngiku nje sesidibene needs ke usipheleke singahlukani nawe ngoYesu Krist’iNkosi.

Yesu sikho thina bakho size emiseni nawe sihlaziy’ idini lasemnqamlezweni. Siwavuma phambi kwakho amatyala ethu, silusizi ngokwenene kuba sikonile. Yesu Nkosi enetarhu khawusixolele usihlamb’ izono zethu egazini lakho. Senze Nkosi sibe nyulu emehlweni akho usivuse sikukhonze ngamxesha onke.

Sinelizwi likaThixo sinobom ngalo siyazaz’izono zethu noMsindisi ngalo. Lihambile elo lizwi lisahamba lona ezo zizwe ezi kude zilindele lona. Ziyoyisw’ iintshaba zakho ngezwi lakho Nkosi wozalis’ umhlaba wonke ngezwi lakho Nkosi. Iimilambo yelizwe yovuyiswa ngalo abantwana bezi zizwe botyetyiswa ngalo. Zakuphel’ iimfazwe […]

Siyaqubuda kuwe Thixo sithobe phambi kwakho wena uhlala kunye nathi ngesidlo osinike sona ndiyabulela Nkosi yam yimini yokonwaba le! nangona ndingumoni nje akudelang’ uphahla lwam. Kubonakal’ isonka sodwa kodwa x’ usiqhekezayo ayavulek’ amehlo ethu sikholwe ngumyalelo wakho ndiyabulela Nkosi yam yimini yokonwaba […]

Zonk’ iilwimi zamakholwa mazincom’ iSakramente akhoyo kuy’ uMsindisi owahlatywa ngenxa yethu waphalaz’ igazi lakhe ebonis’ uthando kwakhe. Weza ngaye uMariya owamzala ngobunyulu wahamba ke emhlabeni ehlwayel’ ilizwi lakhe wabuncam’ ubomi bakhe ngokumangalisayo. Kwisidlo sokugqibela wayehleli nabanyulwa wadl’ idini lePasika ngokugcin’ umthetho omtsha […]

Zisixhenx’ iSakramente zidaliwe nguMsindisi yimithombo yosindiso hamb’ ukh’ ufefe kuyo. Umphefumlo uyahlanjwa ngamanzi omphehlelelo ungeniswa eBandleni kul’ usapho lukaThixo. Ngomqinis’ uyomelezwa uzoyise zonk’ iintshaba uzuvum’ ukholo lwakho ungoyik’ iintshutshiso. Ngokwamkel’ uMthendeleko samkela uYesu kanye ukukutya okumnandi uqabula iintliziyo. Xa sithe sawa esonweni […]

NgePasika ekuseni kuvala isithonga uyavuka uMsindisi ushiya ingcwaba lakhe Yesu Nkosi Msindisi uvukile ekufeni sikhumbule thina bakho usisikelele sonke. Nants’ isihla ingelosi ikhazimla njengelanga iliqengqa eli litye ebelivale ingcwaba Yesu Nkosi Msindisi uvukile ekufeni sikhumbule thina bakho usisikelele sonke. Abalindi nabo bekho […]

Ngena Moya oyingcwele wakh’ entliziyweni yam Ndiphe ubulumko kanye ndinxanel’okukaThixo ngena Moya oyingcwele. Ngena Moya oyingcwele wakh’ entliziyweni yam ndiqondise inyaniso namacebo akho onke ngena Moya oyingcwele. Ngena Moya oyingcwele wakh’ entliziyweni yam ndiyacela ndicebise ndiyoyis’ inkohlakalo ngena Moya oyingcwele. Ngena Moya […]